درد اندر دی پیڑ ڈاڈھا سخت ستایا – کلام خواجہ غلام فرید

درد اندر دی پیڑ ڈاڈھا سخت ستایا
ہجر فراق دے تیر دل کوں مار مُنجھایا

عشق ہے ڈکھڑے دل دی شادی
عشق ہے رہبر مُرشد ہادی
عشق ہے ساڈا پیر جیں کُل راز سُجھایا

درد اندر دی پیڑ ڈاڈھا سخت ستایا

ایہہ دل مُٹھڑی گندڑی مندڑی
جانونڑ لا دی برہوں بندڑی
ازلوں تانگھ دا تیر ، جانی جوڑ‌ چُنبھایا

درد اندر دی پیڑ ڈاڈھا سخت ستایا

ناز تبسم گُجھڑے ہاسے
چالے پیچ فریب دلاسے
حسن دے چار امیر، جنھ چوگوٹھ نِوایا

درد اندر دی پیڑ ڈاڈھا سخت ستایا

وُٹھڑی پالی سدا متوالی
مینھ وسراند تے والی آلی
روہی رشک ملھیر ویندا بخت ولایا

درد اندر دی پیڑ ڈاڈھا سخت ستایا

تھیاں سر سبز فرید دیاں جھوکاں
سہجوں خنکی چائی سوکاں
نند نہ مانون کھیر مولا ماڑ وسایا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s